நீங்கள் தேடியது "திரு குரல்"

நடிகர் கிருஷ்ணா நடிப்பில் தற்போது உருவாகி வரும் படம் ‘கழுகு 2’. முதல் பாகத்தின் வெற்றியை தொடர்ந்து அதே கூட்டணி மீண்டும் இணைந்து ‘கழுகு 2’ படம் உருவாகி வருகிறது. இப்படத்தின் படப்பிடிப்புகள் முடிந்து தற்போது இறுதி கட்டத்தில் உள்ளது.

இப்படத்தை அடுத்து கிருஷ்ணா ‘திரு.குரல்’ என்ற படத்தில் நடிக்க இருக்கிறார். இவருடன் இயக்குனர் மகேந்திரன் முக்கிய கதாபாத்திரத்தில் நடிக்கிறார். இவர் ‘தெறி’ படத்தில் விஜய்க்கு வில்லனாக நடித்திருந்தார். அறிமுக இயக்குனர் பிரபு இயக்கும் இப்படத்தை என்.எச்.ஹரி சில்வர் ஸ்கிரின் சார்பில் எச்.சார்லஸ் இம்மானுவேல் தயாரிக்கிறார்.

இப்படத்தின் படப்பிடிப்பு ஆகஸ்ட் 20 முதல் துவங்குகிறது. இந்த படத்திற்கு 'விக்ரம் வேதா' புகழ் சாம் சி.எஸ் இசையமைக்கிறார். இந்த படத்தை  விநியோகஸ்தர் சிங்காரவேலன் உலகம் முழுவதும் வெளியிட உள்ளார்.